لوہے کی لاٹھی کے ساتھ ایک بیٹا

📜 مکاشفہ میں ہم پڑھتے ہیں:

(1. اور آسمان پر ایک بڑا نشان ظاہر ہوا: ایک ایسی عورت جو سورج کو اپنے گرد لیے ہوئے ہے، اور چاند اس کے پاؤں تلے ہے، اور اس کے سر پر بارہ ستاروں کا تاج ہے۔ 2.اور وہ حاملہ تھی، اور دردِ زہ اور ولادت کی تکلیف سے چیخ رہی تھی۔ 3. پھر آسمان پر ایک اور نشان ظاہر ہوا: دیکھو، ایک بڑا آگ جیسا اژدہا جس کے سات سر اور دس سینگ تھے، اور اس کے سروں پر سات تاج تھے۔ 4. اور اس کی دُم نے آسمان کے ستاروں کے ایک تہائی حصے کو کھینچ کر زمین پر پھینک دیا۔ اور اژدہا اُس عورت کے سامنے کھڑا ہو گیا جو جننے والی تھی، تاکہ جب وہ جنے تو اس کے بچے کو نگل جائے۔ 5. پهر اُس نے ایک نر بیٹا جنا، جو زمین کی تمام قوموں پر لوہے کی لاٹھی سے حکومت کرے گا؛ اور اس کا بچہ خدا اور اُس کے تخت کے پاس اُٹھا لیا گیا۔ … 17. اور اژدہا اُس عورت پر غضبناک ہوا، اور اُس کی نسل میں سے جو باقی رہ گئے تھے اُن کے ساتھ جنگ کرنے کے لیے چلا گیا، وہی جو اللہ کے احکام کو محفوظ رکھتے ہیں اور حضرت عیسیٰ کی گواہی کو تھامے رکھتے ہیں۔(مکاشفہ، باب 12)

✍️ نکات:

🍃 1️⃣ یہ رؤیا یا مکاشفہ حضرت عیسیٰ (ع) کی ولادت کے بہت برسوں بعد، بلکہ اُن کے اُٹھائے جانے کے بھی کئی دہائیوں بعد دیکھا گیا ہے۔

🍂 2️⃣ ہمیں یہ جان لینا چاہیے کہ یوحنا کی رؤیا ماضی کے واقعات کے بارے میں نہیں بلکہ مستقبل کے بارے میں ہے۔ مکاشفہ 1:1۔

🍃 3️⃣ جب اس بیٹے کی ولادت کا ذکر کیا جاتا ہے تو اس سے مراد حضرت عیسیٰ (ع) نہیں ہو سکتے، کیونکہ یہ رؤیا اُن واقعات کے بارے میں ہے جو مستقبل سے تعلق رکھتے ہیں۔

🍂 4️⃣ مکاشفہ میں اس بیٹے کے بارے میں پڑھتے ہیں: وہ زمین کی تمام قوموں پر لوہے کی لاٹھی سے حکومت کرے گا۔ مکاشفہ 12:5۔ اور سفید گھوڑے پر سوار اُس شخص کے بارے میں بھی، جسے صادق اور امین کہا جاتا ہے، پڑھتے ہیں: (وہ انہیں لوہے کی لاٹھی سے حکومت کرے گا۔) (مکاشفہ 19:15۔)

🌙 پس یہ دونوں ایک ہی شخصیت کی طرف اشارہ کرتے ہیں۔ لہٰذا یہ بیٹا وہی نجات دینے والا ہے جو عراق کے بصرہ سے آتا ہے، جسے صادق اور امین کہا جاتا ہے، اور جسے اسرائیل نام دیا گیا ہے، اور وہ آج ہمارے درمیان موجود ہے، اور وہ کوئی اور نہیں بلکہ سید احمد الحسن ہیں

📌 عورت، سورج، چاند اور بارہ ستارے کون ہیں؟

یہ عورت ایک زمانے میں نرجس (س)، امام مہدی (ع) کی والدہ، کا مصداق ہے، اور ایک اور زمانے میں فاطمہ (س) کا مصداق ہے۔ جب اس عورت سے مراد نرجس (س) ہوں، تو بارہ ستارے فاطمہ (س) اور اُن کی نسل سے گیارہ امام ہیں، اور سورج اور چاند بالترتیب محمد (ص) اور علی (ع) کی طرف اشارہ کرتے ہیں۔ اور جب اس عورت سے مراد فاطمہ (س) ہوں، تو علی (ع) اور اُن کی نسل سے گیارہ فرزند ستاروں کا مصداق ہیں، اور سورج اور چاند بالترتیب محمد (ص) اور خدیجہ (س) کی طرف اشارہ کرتے ہیں۔